കടുങ്ങാത്തുകുണ്ട്: വിദ്യാർത്ഥികളുടെ ജീവിത നൈപുണികൾ വളർത്തിയെടുക്കുവാനും ആത്മ വിശ്വാസം വർധിപ്പിക്കാനും ഉതകുന്ന രീതിയിൽ കടുങ്ങാത്തുകുണ്ട് മൂപ്പൻ ഇൻസ്റ്റിറ്റ്യൂട്ട് ഫോർ ലോക്കൽ എംപവർമെൻറ് -മൈൽസ്- അവധിക്കാലത്ത് വിദ്യാർത്ഥികൾക്കായി നടത്തുന്ന ‘സമ്മർ ഗാല’ക്ക് തുടക്കമായി. കൽപകഞ്ചേരി അഡീഷണൽ സബ് ഇൻസ്‌പെക്‌ടർ ശ്രീ. ഷൺമുഖൻ ഉദ്ഘാടനം നിർവഹിച്ചു. അൻഷാദ് കൊളത്തൂർ, കെ. ഷമീം എന്നിവർ സംസാരിച്ചു. പ്രൊഫ. ശിവകുമാർ, അശോക് നെൻമാറ എന്നിവർ ക്ലാസുകൾക്ക് നേതൃത്വം നൽകി.
