വയര് കുറക്കാൻ ആഗ്രഹിക്കാത്തവരായി ആരുമില്ല. എന്നാല് വ്യായാമം ചെയ്തിട്ടും വയറിലെ കൊഴുപ്പ് കുറയുന്നില്ലെന്നു പരാതിപ്പെടുന്നവരുമുണ്ട്.
വയറിന്റെ മസിലുകൾക്ക് എത്രമാത്രം വ്യായാമം കൊടുക്കുന്നു എന്നതാണു പ്രധാനം. അബ്ഡൊമിനൽ മസിലിനെ കരുത്തുളളതാക്കുന്ന വ്യായാമങ്ങളാണു വേണ്ടത്. അമിതമായ കൊഴുപ്പ് കത്തിച്ചു കളയുന്നതാണ് ഇത്തരം വ്യായാമങ്ങൾ ചെയ്യുന്നത്.
നടക്കാം, ഒാടാം..
വയറിലെ കൊഴുപ്പ് കുറയ്ക്കണമെങ്കിൽ വ്യായാമങ്ങള് ഒഴിവാക്കരുത്. സാധാരണമായ നടത്തം, ജോഗിങ്ങ്, ഓട്ടം, എന്നിവ വയറ്റിലെ കൊഴുപ്പ് വേഗത്തില് കുറയ്ക്കും. ആഴ്ചയില് മൂന്നു തവണയെങ്കിലും നടക്കാനോ, ഒാടാനോ പോകുന്നത് ഏറെ ഫലപ്രദമാണ്.
ബെെ സെെക്കിൾ എക്സര്സെെസ്
വയറിലെ കൊഴുപ്പ് കുറക്കണമെങ്കിൽ ഒഴിവാനാവാത്ത വ്യായമമാണ് ബെെ സെെക്കിൾ എക്സര്സെെസ്. അത് കൊഴുപ്പ് കുറക്കുന്നതിനൊപ്പം ഹൃദയത്തിന് ആരോഗ്യം നൽകാനും മികച്ചതാണ്.
സെെക്കിൾ ഒാടിക്കാം…
രാവിലെയുള്ള സെെക്കിൾസവാരിയിലൂടെ മനസ്സിനും ആരോഗ്യത്തിനും ഉന്മേഷം ലഭിക്കുന്നു. 250 മുതൽ 500 കലോറി വരെ സെെക്കിളോടിച്ച് കത്തിച്ച് കളയാം.
റിവേഴ്സ് ക്രഞ്ച്
കാലുകള് മടക്കി നെഞ്ചിനോട് ചേര്ത്തുകയും പിന്നീട് നിവര്ത്തുകയും ചെയ്യുന്ന ഇത്തരത്തിലെ റിവേഴ്സ് ക്രഞ്ച് വയര് കുറയ്ക്കാന് സഹായിക്കുന്ന വ്യായമമാണ്.
വെര്ട്ടിക്കല് ലെഗ്ക്രഞ്ച്
കാലുകള് നിവര്ത്തി മുകളിലേക്കാക്കി കൈകള് തലയ്ക്കു പുറകില് പിടിച്ച് ഉയരുകയും താഴുകയും ചെയ്യുക. ഇത് വെര്ട്ടിക്കല് ലെഗ്ക്രഞ്ച് എന്നാണ് അറിയപ്പെടുന്നത്.
ബോൾ ക്രഞ്ച്
വലിയ ബോളിനു മുകളില് കിടന്ന ഇത്തരത്തിലെ ബോൾ ക്രഞ്ച് ചെയ്യുന്നത് വയര് കുറയ്ക്കാന് സഹായിക്കും. സാധാരണ ജിമ്മുകളില് ഇത്തരത്തിലെ വ്യായാമം ചെയ്യാറുണ്ട്.