വാരണാക്കര: പഠനത്തിൽ മികവ് തെളിയിച്ച നിർധന വിദ്യാർത്ഥികളുടെ വിദ്യാഭ്യാസ ഉന്നമനത്തിന് വേണ്ടി വാരണാക്കര ഗ്രീൻ ചാനൽ കൾച്ചറൽ സെന്റർ ആവിഷ്‌ക്കരിച്ച “എഡ്യു സപ്പോർട്ട്” സ്‌കോളർഷിപ്പ് പദ്ധതി ഇരുപതോളം വിദ്യാർത്ഥികൾക്ക് വിതരണം ചെയ്തു. ജില്ലാ പഞ്ചായത്ത് മെമ്പർ വെട്ടം ആലിക്കോയ ഉദ്‌ഘാടനം ചെയ്ത പദ്ധതിയിൽ പ്രദേശത്തെ മൂന്നോളം സ്കൂളുകളിൽ നിന്ന് തിരഞ്ഞെടുക്കപ്പെട്ട വിദ്യാർത്ഥികളാണ് അർഹരായത്.
കൂടാതെ പ്രദേശത്തെ രോഗികൾക്ക് വേണ്ട മെഡിക്കൽ ഉപകരണങ്ങൾ നൽകുന്ന “മെഡി സപ്പോർട്ട്” പദ്ധതി ടി.കെ ബഷീർ ആൻറ് കമ്പനി എം.ഡി, ടി.കെ ബഷീർ ഉദ്‌ഘാടനം ചെയ്തു. ഭിന്നശേഷിക്കാർക്കുള്ള പാര തായ്‌ക്വോണ്ട മത്സരത്തിൽ കേരളത്തിന് മെഡൽ നേടി നാടിനഭിമാനമായി മാറിയ കിലാബിനെ പഞ്ചായത്ത് മുസ്‌ലിം ലീഗ് പ്രസിഡന്റ പാറയിൽ അലി ആദരിച്ചു.
“അവരും ഉടുക്കട്ടെ…” ഗ്രീൻ ചാനൽ വസ്ത്രശേഖരണ ജീവകാരുണ്യ പദ്ധതിയിലേക്ക് ഖിദ്മത്ത് കോളേജിലെ വിദ്യാർത്ഥികൾ കൈമാറിയ വസ്ത്രങ്ങൾ കോർഡിനേറ്റർ ലത്തീഫ് പാങ്ങാടൻ ഏറ്റുവാങ്ങി.
കൾച്ചറൽ സെന്റർ ചെയർമാൻ ടി.പി അബ്ദുൽ കരീം അധ്യക്ഷത വഹിച്ചു. സെക്രട്ടറി അബ്ദു റഹീം പാറമ്മൽ സ്വാഗതം പറഞ്ഞ പരിപാടിയിൽ ജില്ലാ യൂത്ത് ലീഗ് വൈസ് പ്രസിഡന്റ അഫ്‌സൽ റഹ്‌മാൻ, വാർഡ് മെമ്പർമാരായ അൻവർ സാജിദ് ടി.പി, സുലൈഖ തിരുനെല്ലി, ഇബ്രാഹീം തിരുത്തി, പഞ്ചായത്ത് മുസ്‌ലിം ലീഗ് സെക്രട്ടറി പി.സി അഷ്‌റഫ്, സാമൂഹിക പ്രവർത്തകൻ മുഹമ്മദ് ഉണ്ണി പാറക്കൽ, ലത്തീഫ് കൊളക്കാടൻ, കൾച്ചറൽ സെന്റർ യു.എ.ഇ പ്രതിനിധി ഷറഫുദ്ധീൻ വാരണാക്കര, കുഞ്ഞു ഹാജി, കുഞ്ഞു മുഹമ്മദ് വാക്കയിൽ, സൈനുദ്ധീൻ കടവഞ്ചേരി, ഖലീൽ.എം, മുസ്തഫ, സലാം കെ.കെ, സജീർ, നൗഷാദ് കെകെ, ഷറഫുദ്ധീൻ കൊളക്കാടൻ, സലാം പി.വി, എന്നിവർ സംസാരിച്ചു. എം.എസ്.എഫ് വാരണാക്കര പ്രസിഡന്റ ജവാദ്.സി നന്ദി പറഞ്ഞു.
പരിപാടിയിൽ നിന്ന്:
ഫെ
